మట్టి తరలిస్తున్న టిప్పర్ల పట్టివేత

ప్రొద్దుటూరు మండల పరిధిలోని కూందూ నదిలో అక్రమంగా మట్టిని తవ్వి తరలిస్తుండగా ఎనిమిది టిప్పర్లు, జేసీబీ వాహనాన్ని శుక్రవారం పట్టుకున్నట్లు గ్రామీణ ఠాణా పోలీసులు తెలిపారు. నక్కదిలదిన్నె సమీపంలో ఆరు టిప్పర్లు, థర్మల్ రోడ్డులో మరో 2 టిప్పర్లు, 1 జేసీబీ యంత్రాన్ని పట్టుకున్నామన్నారు. దాంతో పాటు రామాపురం, పెద్ద శెట్టిపల్లె వద్ద ఇసుకను అక్రమంగా తరలిస్తున్న మరో 2 ట్రాక్టర్లను పట్టుకుని కేసు నమోదు చేసినట్లు పోలీసులు తెలిపారు.