ప్రతి ఒక్కరూ జాతీయ పతాకాన్ని గౌరవించాలి

చిట్వేలి మండలం చెర్లోపల్లి మండల పరిషత్ ప్రాథమిక పాఠశాల విద్యార్థులకు ప్రధానోపాధ్యాయులు రామ్మోహన్ సహకారంతో పంచాయతీ కార్యదర్శి కె కేశవరెడ్డి హర్ ఘర్ తిరంగా కార్యక్రమంలో భాగంగా మంగళవారం జాతీయ పతాకం యొక్క ఔన్నత్యాన్ని వివరించారు. మనకు స్వాతంత్ర్యాన్ని సాధించి పెట్టిన స్వాతంత్ర్య సమరయోధుల కృషి, పోరాట పటిమ, త్యాగ నిరతిని కొనియాడారు. వారి నుండి స్ఫూర్తిని పొందాలని సూచించారు.