పిఠాపురం: రైలు ఢీకొని ఒకరి దుర్మరణం
పిఠాపురం రైల్వేస్టేషన్ పరిధి గోర్స రైల్వేగేటు దగ్గర మంగళవారం గుర్తుతెలియని రైలు ఢీకొని ఓ వ్యక్తి దుర్మరణం పాలయ్యాడు. మృతదేహాన్ని చూసిన పలువురు సామర్లకోట రైల్వే పోలీసులకు సమాచారం ఇచ్చారు. ఎస్ఐ వాసు వివరాల ప్రకారం. మృతుడి వయసు 35 సంవత్సరాలు ఉంటాయని, ఒంటిపై సిమెంటు రంగు టీషర్టు, నలుపు రంగు బనియన్, కుడి కాలుపై నల్లని తాడు ఉన్నాయన్నారు. వివరాలు తెలిసినవారు 9440627562 నంబరును సంప్రదించాలని కోరారు.
