యు. కొత్తపల్లి: అగ్నిప్రమాదంలో పూరిల్లు దగ్ధం
యు. కొత్తపల్లి మండలం నాగులాపల్లి పంచాయతీ గొల్లపేటలో సోమవారం అర్ధరాత్రి అగ్ని ప్రమాదంలో పూరిల్లు దగ్ధమైంది. ఇంటినుంచి ఒక్క సారిగా మంటలు రావడంతో నిద్రిస్తున్న పక్కుర్తి శివలక్ష్మి కుటుంబ సభ్యులు బయటకు పరుగుతీశారు. నిమిషాల వ్యవధిలో ఇల్లు కాలిబూడిదైంది. సామగ్రి, వస్తువులు, దుస్తులతోపాటు కోళ్లు, మేకలు కూడా కాలిపోయినట్లు బాధితులు తెలిపారు. ప్రభుత్వం తమను ఆదుకోవాలని కోరుతున్నారు.
