మంత్ర ముగ్ధులను చేసిన కోలాట నృత్య ప్రదర్శన

గణపతి శరన్నవరాత్రి ఉత్సవాలు ఘనంగా జరుగుతున్నాయి. వినాయక చవితి సందర్భంగా జరుగుతున్న ఉత్సవాల్లో ఏర్పాటుచేసిన పలు సాంస్కృతిక, ఆధ్యాత్మిక కార్యక్రమాలు భక్తులను మంత్ర ముగ్ధులను చేస్తున్నాయి. అమలాపురం మండల పరిధిలోని ఈదరపల్లిలో శనివారం సాయంత్రం ఏర్పాటు చేసిన కోలాటం భక్తులను విశేషంగా అలరించింది. ఆధ్యాత్మిక గీతాలు ఆలపిస్తూ దానికి లయబద్ధంగా నృత్యం చేస్తూ చేసిన ప్రదర్శన ఆద్యంతం ఘనంగా జరిగింది.