కొవ్వూరు: 8న పశువులకు ఉచిత గర్భకోశ వ్యాధుల చికిత్స శిబిరం

చాగల్లులో ఈనెల 8న పశు వైద్యశాల ఆసుపత్రి వద్ద పశుగణాభివృద్ధి సంస్థ ద్వారా ఉచిత గర్భకోశ వ్యాధుల చికిత్స శిబిరాన్ని ఏర్పాటు చేసినట్లు పశువైద్యాధికారి డాక్టర్ ముఖేష్ ఆదివారం తెలిపారు. ఈ శిబిరంలో ప్రధానంగా వివిధ శస్త్ర చికిత్సలు, గర్భకోశ వ్యాధుల చికిత్స, లేగ దూడలకు నట్టల నివారణ, బాహ్య పరాన్నజీవుల (గోమార్ల) నిర్మూలన, వ్యాధి నిరోధక టీకాలు వేయనున్నట్లు చెప్పారు. పాడిరైతులు ఈ అవకాశాన్ని సద్వినియోగం చేసుకోవాలన్నారు.