అక్రమంగా తరలిస్తున్న 178 బస్తాల రేషన్ బియ్యం పట్టివేత

తొండంగి మండలంలోని వేమవరంలో అక్రమంగా తరలిస్తున్న 178బస్తాల రేషన్ బియ్యాన్ని ఎస్ఐ జగన్మోహనరావు గురువారం పట్టుకున్నారు. అక్రమంగా బియ్యం తరలిస్తున్నారనే సమాచారం మేరకు ఎస్ఐ తన సిబ్బందితో దాడిచేసారు. 178 బస్తాల్లో అక్రమంగా తరలిస్తున్న 8859 కిలోల బియ్యాన్ని స్వాధీనం చేసుకుని యాదాలవారి ఊరుకు చెందిన వై. శ్రీనివాసరావును అదుపులోకి తీసుకున్నారు. స్వాధీనం చేసుకున్న బియ్యాన్ని పౌరసరఫరాలశాఖ అధికారులకు అప్పగించారు.