మంగినపూడి బీచ్ శుభ్రం చేసిన విద్యార్థులు

మచిలీపట్నంలోని శ్రీ వాసవి ఇన్స్టిట్యూట్ ఆఫ్ ఇంజనీరింగ్ టెక్నాలజీ ఆధ్వర్యంలో నేషనల్ సర్వీసెస్ స్కీం వాలంటీర్స్ మచిలీపట్నం మంగినపూడి బీచ్ ని గురువారం శుభ్రపరిచారు. స్వచ్ఛతహి సేవ కార్యక్రమంలో భాగంగా ఈ కార్యక్రమం చేపట్టారు. పరిసరాలు శుభ్రంగా ఉండాలని, ప్లాస్టిక్ వాడకాన్ని సాధ్యమైనంత వరకు తగ్గించాలని ఈ సందర్భంగా అధ్యాపకులు పిలుపునిచ్చారు. సముద్ర తీరంలోని వ్యర్ధాలు తొలగించారు.