గంపలగూడెం: శివాలయంలో వైభవంగా బలిహరణ కార్యక్రమం

గంపలగూడెం మండలంలోని పెనుగొలను శివాలయంలో దసరా ఉత్సవాల్లో భాగంగా 9వ రోజైన శుక్రవారం రాత్రి మేళతాళాలతో బలిహరణ కార్యక్రమం వైభవంగా నిర్వహించారు. ఈ సందర్భంగా పార్వతీదేవి అమ్మవారికి శ్రీమహిషాసురమర్థని దేవి అలంకరణ చేశారు. అలాగే భక్తుల సహకారంతో అన్నదానం చేశారు. కాగా శనివారం విజయదశమి పర్వదినం సందర్భంగా శ్రీరామలింగేశ్వర స్వామి వారికి కళ్యాణం నిర్వహిస్తున్నట్టు నిర్వాహకులు తెలిపారు.