సంగాపట్నంలో పిడుగు పాటుకు 32 గొర్రెలు మృతి

అవుకు మండలం సంగాపట్నం గ్రామంలో పిడుగు పడి 32 గొర్రెలు మృతి చెందాయి. మంగళవారం వెంకటేశ్వర్లుకు చెందిన గొర్రెలు మేత మేసేందుకు కొండ ప్రాంతానికి వెళ్లాయి. ఒక్కసారిగా ఉరుములు, మెరుపులతో కూడిన భారీ వర్షం కురవడంతో పిడుగుపాటుకు గురై అక్కడికక్కడే గొర్రెలు మృతి చెందాయి. మృతి చెందిన గొర్రెల విలువ దాదాపు రూ. 3 లక్షలు ఉంటుందని గొర్రెల యజమాని వెంకటేశ్వర్లు తెలిపారు. ప్రభుత్వం ఆదుకోవాలన్నారు.