చౌడేశ్వరిదేవికి వైభవంగా సహస్ర దీపాలంకరణ సేవ

బనగానపల్లె మండలం నందవరం శ్రీచౌడేశ్వరిదేవి దేవస్థానంలో శ్రావణ పౌర్ణమిని పురస్కరించుకుని సోమవారం సహస్రదీపాలంకరణ సేవ అంగరంగ వైభవంగా నిర్వహించారు. ఈవో కామేశ్వరమ్మ ఆధ్వర్యంలో చౌడేశ్వరిదేవి అమ్మవారిని ప్రత్యేకంగా అలంకరించి, అర్చకులు పూజలు నిర్వహించారు. మాస ఉత్సవంలో భాగంగా శ్రావణపౌర్ణమి పురస్కరించుకుని అమ్మవారికి దీపాలంకరణ కార్యక్రమం చేశారు. వివిధ ప్రాంతాల నుంచి భక్తులు అమ్మవారిని దర్శించుకున్నారు.