పత్తికొండ: అమకతాడులో ముగిసిన ప్రతిష్టోత్సవాలు

కృష్ణగిరి మండలంలోని అమకతాడులో మూడు రోజులుగా జరిగిన విగ్రహా ప్రతిష్టోత్సవాలు బుధవారం ముగిశాయి. ఆంజనేయస్వామి దేవాలయాన్ని ప్రారంభించి, స్వామి విగ్రహానికి ప్రాణప్రతిష్ఠ గావించారు. అనంతరం స్వామి వారి మూలమూర్తిని విశేషంగా అలంకరించి, ప్రత్యేక పూజలు చేసి భక్తులను దర్శనానికి అనుమతించారు. పత్తికొండ మాజీ ఎమ్మెల్యే కంగాటి శ్రీదేవి పూజల్లో పాల్గొన్నారు. గ్రామస్తులు తమ ఆడపడుచులకు ఒడిబియ్యం పోశారు.