మహానంది పుణ్యక్షేత్రంలో వైభవంగా గంగా హారతులు

మహానంది పుణ్యక్షేత్రంలో కార్తీక మూడో సోమవారం పురస్కరించుకొని ప్రదోషకాలంలో వైభవంగా గంగా హారతులు నిర్వహించారు. ఆలయ ఈవో ఎన్. శ్రీనివాస్ రెడ్డి ఆధ్వర్యంలో స్వామి అమ్మవార్ల ఉత్సవమూర్తులను పుష్కరిణి వద్ద కొలువుతీర్చి పంచోపచార పూజ చేసి, గంగా నదికి షోడశోపచార పూజానంతరం వేదమంత్రాలతో దశవిధ హారతులను సమర్పించారు. అనంతరం గంగాదేవికి సారే సమర్పించారు. అధిక సంఖ్యలో భక్తులు పాల్గొని గంగా హారతులను వీక్షించారు.