రాష్ట్రస్థాయికి ఎంపికైన ఆళ్లగడ్డ విద్యార్థులు

ఆళ్లగడ్డ పట్టణంలోని పాలసాగరం జిల్లా పరిషత్ ఉన్నత పాఠశాలకు చెందిన విద్యార్థులు.. జిల్లాస్థాయిలో స్కూల్ గేమ్స్ పోటీలలో విజయం సాధించి రాష్ట్రస్థాయికి ఎంపికైనట్లు పాఠశాల హెచ్ఎం మురళీధర్ మంగళవారం తెలిపారు. ఈనెల 21న కర్నూలు లోని జిల్లా స్పోర్ట్స్ అథారిటీ స్టేడియం నందు జరిగిన అండర్ 17 బాయ్స్ సెపక్ తక్రా విభాగంలో పాఠశాలకు చెందిన పదవ తరగతి విద్యార్థి వేమ నారాయణరెడ్డి ప్రతిభ చూపారన్నారు. ఈ సందర్భంగా విజేతలైన క్రీడాకారులను, వారి విజయానికి కృషి చేసిన పాఠశాల వ్యాయామ ఉపాధ్యాయుడు బాబును పాఠశాల ప్రధానోపాధ్యాయుడు మురళీధర్ అభినందించారు.