పాచిపెంట: గిరిజనులకు మెడికల్ క్యాంపులు నిర్వహించాలి

పాచిపెంట మండలం పెద్దగడ్డ నిర్వాసిత గ్రామమైన కుమ్మరివలస గ్రామంలో జ్వరాలతో బాధపడుతున్న గిరిజనులను సీపీఎం జిల్లా కమిటీ సభ్యులు మర్రి శ్రీనివాసరావు, ఈశ్వరరావు స్థానిక నాయకులతో కలిసి శనివారం పరామర్శించారు. అనంతరం శ్రీనివాసరావు మాట్లాడుతూ. వారం రోజుల నుంచి జ్వరాలతో బాధపడుతున్న కుమ్మరవలస గిరిజనులకు వెంటనే మెడికల్ క్యాంపులు నిర్వహించి రక్త పరీక్షలు చేసి జ్వరాల నుంచి రక్షణ కల్పించాలని ప్రభుత్వాన్ని కోరారు.