కంభం: విద్యుత్ షాక్ తో రైతు మృతి

ప్రకాశం జిల్లా కంభం మండలం ఎ. ల్. కోట గ్రామంలో శనివారం విషాదం చోటుచేసుకుంది. విద్యుత్ షాక్ తో రైతు తాటికొండ ప్రసాద్ (45 ) అక్కడికక్కడే మృతి చెందాడు. రైతు ప్రసాద్ పొలంలో విద్యుత్ స్తంభంపై ఉన్న విద్యుత్ వైర్లు తెగిపడ్డాయి. ఇది గమనించని రైతు గడ్డి కోస్తూ ఆ విద్యుత్ వైర్లను తాకాడు. దీంతో ప్రసాద్ అక్కడికక్కడే మృతి చెందాడు. సమాచారాన్ని అందుకున్న పోలీసులు అక్కడికి చేరుకొని జరిగిన సంఘటనను పరిశీలించారు.