గోరంట్ల: నీటి కుంటను తలపిస్తున్న రోడ్డు.

గోరంట్ల మండలం పాలసముద్రం రహదారిపై మోకాలిలోతు గుంతల్లో వర్షం నీరు నిల్వ ఉండటంతో వాహనదారులకు ఇబ్బందులు తప్పడం లేదు. శనివారం రహదారిపై గుంతల్లో వర్షపు నీరు పెద్ద ఎత్తున నిలువ ఉండటంతో నీటి కుంటను తలపిస్తున్నాయి. కదిరి-హిందూపురం రహదారిలో పాలసముద్రం వద్ద రోడ్డు దుస్థితి అధ్వానంగా మారింది. ఇప్పటికైనా సంబంధిత అధికారులు, ప్రజాప్రతినిధులు స్పందించి రోడ్డును బాగు చేయాలని స్థానికులు, వాహనదారులు కోరుతున్నారు.