ఎచ్చెర్ల: దేవీఆశ్రమంలో శరనవరాత్రి ఉత్సవాలలో హోమాది కార్యక్రమాలు

ఎచ్చెర్ల మండలం కుంచాల కురమయ్యపేట గ్రామంలో వెలసిన దేవీ ఆశ్రమంలో శరన్నవరాత్రి ఉత్సవాలు ఘనంగా నిర్వహిస్తున్నారు. ఈ క్రమంలో స్థానిక పీఠాధిపతి బాల భాస్కర శర్మ ఆధ్వర్యంలో సుమారు 70 మంది మహిళలు నవరాత్రి దీక్ష చేపట్టారు. ఈ సందర్భంగా ఆదివారం స్థానిక ఆశ్రమంలో హోమాది కార్యక్రమాలు మహిళలతో చేపట్టారు. ఈ సందర్భంగా భాస్కర శర్మ మాట్లాడుతూ 9 రోజులపాటు ఈ ఉత్సవాలను కొనసాగిస్తున్నామని స్పష్టం చేశారు.