నెల్లూరులో రోడ్డు ప్రమాదం.. జిల్లా వాసి మృతి
నెల్లూరులో ఆదివారం జరిగిన రోడ్డు ప్రమాదంలో టెక్కలి నియోజకవర్గం సంతబొమ్మాళి మండలం నౌపడ గ్రామానికి చెందిన గిన్ని కృష్ణారావు(48) మృతిచెందాడు. గత కొన్నేళ్లుగా నెల్లూరులో రైస్ మిల్లులో పనిచేస్తున్న ఈయన రహదారి దాటుతున్న క్రమంలో గుర్తుతెలియని వాహనం ఢీకొని మృతిచెందాడు. మృతదేహానికి నెల్లూరు ప్రభుత్వ ఆసుపత్రిలో పోస్టుమార్టం అనంతరం సోమవారం రాత్రికి గ్రామానికి తీసుకురానున్నట్లు కుటుంబసభ్యులు తెలిపారు.
