తిరుపతి చేరుకున్న చంద్రబాబు, లోకేశ్

తన సోదరుడు రామ్మూర్తి నాయుడి పెద్దకర్మ కార్యక్రమంలో పాల్గొనేందుకు గన్నవరం విమానాశ్రయం నుంచి ప్రత్యేక విమానంలో బుధవారం సాయంత్రం సీఎం చంద్రబాబు తిరుపతి చేరుకున్నారు. ఆయనతోపాటు మంత్రి నారా లోకేశ్ కూడా ఉన్నారు. ఇక్కడి నుంచి వారు రోడ్డు మార్గంలో నారావారిపల్లె చేరుకుంటారు. రేపు నారావారిపల్లెలో రామ్మూర్తి వైకుంఠ సమారాధన కార్యక్రమం జరుగుతుంది. ఈ కార్యక్రమంలో పలువురు, సినీ, రాజకీయ ప్రముఖులు పాల్గొంటారు.