నక్కపల్లి; ముగిసిన హాకీ ఎంపిక పోటీలు

స్కూల్ గేమ్స్ ఫెడరేషన్ ఆధ్వర్యంలో నక్కపల్లిలో బుధవారం నిర్వహించిన జిల్లా స్థాయి హాకీ ఎంపిక పోటీలు విజయవంతంగా ముగిశాయి. ఈ పోటీలను ఎంపీపీ రత్నం, రాష్ట్ర కాపు కార్పొరేషన్ మాజీ డైరెక్టర్ వీసం రామకృష్ణ ప్రారంభించారు. ఎంపిక పోటీల్లో 360 మంది క్రీడాకారులు పాల్గొన్నారు. జిల్లాస్థాయిలో ఎంపికైన జట్లు వచ్చే నెల 8, 9, 10 తేదీల్లో నక్కపల్లిలో నిర్వహించే 68వ స్కూల్ గేమ్స్ రాష్ట్రస్థాయి పోటీల్లో పాల్గొంటారు.