విశాఖ ఉక్కు కార్మికులపై తక్షణం యాజమాన్య వైఖరి మారాలి

విశాఖ ఉక్కు ఉత్పత్తులపై అకుంఠిత దీక్షతో పనిచేస్తున్న ఉక్కు కార్మికులపై తక్షణం యాజమాన్యం తన వైఖరిని మార్చుకోవాలని స్టీల్ సిఐటియు గౌరవాధ్యక్షులు అయోధ్యరామ్ డిమాండ్ చేశారు. శనివారం ప్లాంట్‌లో ఆఫీస్ బేరర్స్ సమావేశం నిర్వహించారు. ఈ సమావేశంలో అయోధ్యరామ్ మాట్లాడుతూ ప్రభుత్వ యాజమాన్యాలు ఉత్పత్తికి అనుకూల పరిస్థితులను కల్పిస్తే ఉక్కు కార్మికులు తమ అనుభవాన్ని రంగరించి అద్భుత ఫలితాలు సాధిస్తారని నేడు నిరూపితమైందన్నారు.