గొలుగొండ: 181 కిలోల గంజాయి స్వాధీనం

ఏజెన్సీ ప్రాంతం నుంచి మైదాన ప్రాంతానికి ఆటోలో అక్రమంగా తరలిస్తున్న 181 కేజీల గంజాయిని స్వాధీనం చేసుకున్నట్లు గొలుగొండ మండలం కృష్ణదేవిపేట ఇన్ ఛార్జ్ ఎస్సై సీహెచ్. భీమరాజు తెలిపారు. శుక్రవారం సాయంత్రం కృష్ణదేవిపేట అల్లూరి పార్కు వద్ద వాహనాలు తనిఖీలు చేస్తుండగా ఈ గంజాయి పట్టుబడిందన్నారు. గంజాయి రవాణా చేస్తున్న నలుగురిలో ఓ మహిళ కూడా ఉన్నట్లు తెలిపారు. వారిని అరెస్టు చేశామన్నారు.