నాతవరం: షార్ట్ సర్క్యూట్ తో వాహనం దగ్ధం

నాతవరం మండలం తాండవ జంక్షన్ వద్ద ఐచర్ వాహనం ఆదివారం దగ్ధమైంది. కాళీ అట్టపెట్టెల లోడుతో నర్సీపట్నం నుండి తుని వైపు వెళుతుండగా ప్రమాదం చోటు చేసుకుంది. షార్ట్ సర్క్యూట్ కారణంగా ప్రమాదం సంభవించినట్లు ప్రాథమిక సమాచారం. ప్రమాదాన్ని గమనించిన స్థానికులు నర్సీపట్నం ఫైర్ సిబ్బందికి సమాచారం అందజేశారు. ఫైర్ ఆఫీసర్ అప్పలస్వామి ఆధ్వర్యంలో సిబ్బంది సంఘటన స్థలానికి చేరుకుని మంటలను అదుపు చేశారు.