మన్యపురట్లలో పేకాట శిబిరంపై పోలీసులు దాడి

నాతవరం మండలం మన్యపురట్ల గ్రామ శివారు ప్రాంతంలో శనివారం సాయంత్రం పేకాట శిబిరంపై దాడి చేసినట్లు ఎస్సై భీమరాజు తెలిపారు. ఈ దాడిలో రూ. 1540 నగదును స్వాధీనం చేసుకొని నలుగురు వ్యక్తులను అరెస్టు చేసినట్లు చెప్పారు. గ్రామాల్లో ఎక్కడైనా పేకాట ఆడితే చర్యలు తప్పవన్నారు. అసాంఘిక కార్యకలాపాలపై పోలీసులకు సమాచారం ఇవ్వాలని సూచించారు.