భీమడోలు: జాయింట్ కలెక్టర్ సుడిగాలి పర్యటన

ఏలూరు జిల్లాలో ధాన్యం కొనుగోలు సజావుగా, పారదర్శకంగా నిర్వహించేందుకు ఎప్పటికప్పుడు రైస్ మిల్లులపై పర్యవేక్షణ, తనిఖీలు చేపట్టడం జరుగుతుందని జాయింట్ కలెక్టర్ పి. ధాత్రిరెడ్డి తెలిపారు. శుక్రవారం భీమడోలు మండలం పాతూరు ఎం. ఎల్. ఎస్. పాయింట్, పొలసానిపల్లి రైతు సేవా కేంద్రం, అంబర్ పేట దుర్గా ఆగ్రో ఇండస్ట్రీస్‌ను జేసీ ధాత్రిరెడ్డి ఆకస్మిక తనిఖీ చేసి మాట్లాడారు. రైస్ మిల్లులో స్టాకులను పరిశీలించారు.