అస్సాంలో ఘోర రోడ్డు ప్రమాదం..12 మంది మృతి

అస్సాంలో ఘోర రోడ్డు ప్రమాదం చోటుచేసుకుంది. పోలీసుల వివరాల ప్రకారం.. బుధవారం ఉదయం తెల్లవారుజామున గోలాఘాట్ జిల్లాలో ప్రయాణికులతో వెళ్తున్న బస్సు, ట్రక్కును ఢీకొట్టింది. ఈ ఘటనలో 12 మంది మృతి చెందగా, 25 మంది గాయపడినట్లు తెలిపారు. గోలాఘాట్ జిల్లాలోని దేర్గావ్ సమపంలోని బలిజన్ ప్రాంతంలో ఈ ప్రమాదం జరిగినట్లు జిల్లా ఎస్పీ రాజేస్ సింగ్ తెలిపారు. ఈ ఘటన పై దర్యాప్తు చేస్తున్నట్లు పోలీసులు వివరించారు.