విద్యార్థులు చదువుతో పాటు క్రీడలలో రాణించాలి

జిల్లా కేంద్రంలోని హైటెక్ సిటీ కాలనీలో ఉన్న మంచిర్యాల క్లబ్ లో శనివారం జిల్లా స్కూల్ గేమ్స్ ఫెడరేషన్ ఆధ్వర్యంలో జోనల్ స్థాయి బ్యాడ్మింటన్ పోటీలను జిల్లా అదనపు కలెక్టర్ మోతిలాల్ ప్రారంభించారు. ఈ సందర్భంగా మాట్లాడుతూ, విద్యార్థులు చదువుతో పాటు క్రీడలలో రాణించాలని సూచించారు. క్రీడలలో పాల్గొనడం వల్ల ఉత్సాహంగా ఉంటారని, క్రీడలలో గెలుపోటములను క్రీడాస్ఫూర్తితో స్వీకరించాలని తెలిపారు.