అటవీ జంతువుల వేటగాడు అరెస్ట్

అటవీ జంతువులను వేటాడితే కఠిన చర్యలు తప్పవని అటవీశాఖ రేంజ్ అధికారి రామకృష్ణారావు తెలిపారు. శుక్రవారం తమ సిబ్బంది గస్తీ నిర్వహిస్తుండగా వేటగాళ్లు పట్టుబడినట్లు చెప్పారు. లోకేశ్వరం మండలంలోని లక్ష్మినగర్ తండాకు చెందిన నగేశ్, మూడ్ శంకర్లు 3 అడవి కుందేళ్లు, 5 కంజు పిట్టలు వేటాడి వాటిని విక్రయానికి తీసుకెళుతుండగా పట్టుకున్నట్లు పేర్కొన్నారు. కేసు నమోదు చేసి, నిందితులను రిమాండుకు తరలించినట్లు చెప్పారు.