అల్లు అర్జున్‌కు బీపీ, షుగర్‌, కొవిడ్‌ పరీక్షలు

TG: సంధ్య థియేటర్‌ వద్ద జరిగిన తొక్కిసలాట ఘటనలో అరెస్టయిన అల్లు అర్జున్‌కు వైద్య పరీక్షలు ముగిశాయి. గాంధీ ఆస్పత్రిలో అల్లు అర్జున్‌కు బీపీ, షుగర్‌ పరీక్షలతో పాటు, కొవిడ్‌-19 టెస్ట్‌ కూడా చేసినట్లు ఆస్పత్రి డిప్యూటీ సూపరింటెండెంట్‌ సునీల్ తెలిపారు. అన్ని పరీక్షల్లో ఆయనకు సాధారణ ఫలితాలు వచ్చాయని వెల్లడించారు. ఈసీజీ పరీక్షలు కూడా నిర్వహించామని, భద్రతా కారణాల రీత్యా వైద్యుల పర్యవేక్షణలో పరీక్షలు నిర్వహించినట్లు తెలిపారు.