'కోర్టు తీర్పులపై మాట్లాడేటప్పుడు జాగ్రత్త'

ఢిల్లీ లిక్కర్ స్కాం కేసులో ఎమ్మెల్సీ కవితకు బెయిల్ రావడంపై సీఎం రేవంత్ చేసిన వ్యాఖ్యలపై సుప్రీం కోర్టు మరోసారి స్పందించింది. 'రేవంత్ తన వ్యాఖ్యలపై ఇప్పటికే బహిరంగ క్షమాపణలు చెప్పడంతో ఈ విషయంలో ఇంకా ముందుకెళ్లాలని తాము అనుకోవట్లేదు. కోర్టులు జారీ చేసిన ఆదేశాలపై వ్యాఖ్యలు చేసేటప్పుడు తగినంత జాగ్రత్తగా ఉండాలి' అని పేర్కొంది. ఓటుకు నోటు కేసు విచారణ సందర్భంగా కోర్టు ఈ వ్యాఖ్యలు చేసింది.