పిఠాపురం ఎమ్మెల్యే గారికి శుభాకాంక్షలు: వెంకటేశ్‌

జనసేన అధినేత పవన్‌కళ్యాణ్ ఎమ్మెల్యేగా గెలుపొందడంపై సినీ నటుడు వెంకటేశ్ స్పందించారు. ‘‘చారిత్రక విజయం సాధించిన ప్రియమైన పవన్‌కళ్యాణ్‌కు శుభాకాంక్షలు. ఈ విజయానికి నీవు సంపూర్ణ అర్హుడివి. ఇదే ఉత్సాహంతో ఉన్నతస్థానాలకు ఎదగాలని కోరుకుంటున్నా. కష్టపడేతత్వం, మనోబలం, నిబద్ధతతో స్ఫూర్తిని నింపుతూ ప్రజలకు మరింత సేవ చేస్తావని ఆశిస్తున్నా. పిఠాపురం ఎమ్మెల్యేగారికి మరోసారి నా హృదయ పూర్వక శుభాకాంక్షలు’ అని ఎక్స్‌ వేదికగా తెలిపారు.