ఒకేసారి 10 ఫ్లాట్స్‌ను కొనుగోలు చేసిన బాలీవుడ్‌ స్టార్స్

బాలీవుడ్ నటుడు అమితాబ్ బచ్చన్ కొన్నేళ్లుగా రియల్ ఎస్టేట్‌‌లో భారీగా పెట్టుబడి పెడుతున్నారు. తాజాగా అమితాబ్, ఆయన తనయుడు అభిషేక్ 10 ఫ్లాట్లను ఒకేసారి కొనుగోలు చేశారు. ముంబైలోని ములంద్ ఏరియాలోని ఒబెరాయ్ ఎటెర్నియాలో వీటిని రూ.24.95 కోట్లకు కొన్నారట. వీటిలో 6 అభిషేక్ పేరు మీద, 4 అమితాబ్ పేరు మీద ఈనెల 9న రిజిస్ట్రేషన్ జరిగినట్లు తెలుస్తోంది. ఈ కొనుగోలు కోసం కోటిన్నర వరకు స్టాంప్ డ్యూటీని చెల్లించారని సమాచారం.