కుప్పంలో సీఎం చంద్రబాబు పర్యటన

రెండు రోజుల పర్యటనలో భాగంగా ఏపీ సీఎం చంద్రబాబు నాయుడు తన సొంత నియోజకవర్గం కుప్పం చేరుకున్నారు. నాలుగోసారి సీఎంగా ప్రమాణం చేసిన తర్వాత ఆయన తొలిసారి అక్కడ పర్యటిస్తున్నారు. మంగళవారం హంద్రీ-నీవా కాలువను పరిశీలిస్తారు. దీంతో పాటు ఆర్టీసీ బస్టాండు సమీపంలో నిర్వహించే బహిరంగ సభలో పాల్గొంటారు. బుధవారం ఆర్ అండ్‌బీ అతిథిగృహం వద్ద ప్రజల నుంచి వినతులు స్వీకరిస్తారు. మధ్యాహ్నం అధికారులతో సమీక్ష, సాయంత్రం టీడీపీ శ్రేణులతో సమావేశం నిర్వహిస్తారు.