డెంగ్యూ బారిన పడ్డ భారత స్టార్ ఆర్చర్ దీపికా కుమారి!

భారత స్టార్ ఆర్చర్ దీపికా కుమారి డెంగ్యూ జ్వరంతో బాధపడుతున్నట్లు అర్చరీ సమైఖ్య అధికారులు తెలిపారు. వాస్తవానికి ఆసియ క్రీడల కోసం ఆమె ఈ బుధవారమే భారత టీమ్ లో జకార్తా వెళ్ళాల్సి ఉంది. అయితే, డెంగ్యూ జ్వరం కారణంగా ఆమె వెళ్ళలేదు. ఈ నెల 18 నుంచి ఆసియా క్రీడలు ప్రారంభం కానున్నాయి. అర్చరీ పోటీలకు ఈ నెల 22న తెరలేవనుంది. “దీపికా త్వరగా కోలుకుంటుంది. వైద్యులను సంప్రదించడం జరిగింది. మరో రెండు – మూడు రోజుల్లో ఆమె పూర్తిగా కోలుకుంటుందని ఆశిస్తున్నాము” అని అర్చరీ సమైఖ్య ప్రతినిధి ఒకరు తెలిపారు.