ఎంప్లాయీ పెన్షన్ స్కీమ్ తో ఆర్థిక, సామాజిక భద్రత

నెలవారీగా జీతాలు పొందతూ ఎంప్లాయీ ప్రావిడెంట్ ఫండ్ ఆర్గనైజేషన్‌లో రిజిస్టర్ అయిన ఉద్యోగులకు ఎంప్లాయీ పెన్షన్ స్కీమ్(ఈపీఎస్) మంచి రాబడి అందిస్తుంది. ఈ స్కీమ్‌తో ప్రైవేట్ సెక్టార్ ఉద్యోగులకు రిటైర్మెంట్ అనంతరం ఆర్థిక, సామాజిక భద్రత లభిస్తుంది. అయితే వరుసగా కనీసం 10 ఏళ్ల పాటు ఈ పథకంలో జమ చేస్తేనే పెన్షన్ పొందేందుకు అర్హత. ఈపీఎఫ్​ ఖాతాలో జమ చేసిన మొత్తంలో 8.33 శాతాన్ని ఈ స్కీమ్ కోసం కేటాయిస్తారు. ఇది సదరు ఉద్యోగి పదవీ విరమణానంతరం పెన్షన్ ప్రయోజనాలను అందిస్తుంది.