మాజీ ఎమ్మెల్యే ఎన్‌.సుధాకర్‌రావు కన్నుమూత

ఉమ్మడి వరంగల్‌ జిల్లా చెన్నూరు మాజీ ఎమ్మెల్యే డాక్టర్‌ ఎన్‌.సుధాకర్‌రావు(73) బుధవారం రాత్రి కన్నుమూశారు. కిడ్నీ సంబంధిత వ్యాధితో బాధపడుతూ హైదరాబాద్‌లోని ఓ ఆసుపత్రిలో చికిత్స పొందుతూ తుది శ్వాస విడిచారు. సుధాకర్‌రావు స్వస్థలం పెద్దవంగర మండలం వడ్డెకొత్తపల్లి. 1999 ఎన్నికల్లో చెన్నూరు నియోజకవర్గం (ప్రస్తుతం పాలకుర్తిలో అంతర్భాగం)లో టీడీపీ తరఫున పోటీ చేసి గెలుపొందారు. 2004 వరకు ఎమ్మెల్యేగా కొనసాగారు. 2004 ఎన్నికల్లో ఓడిపోయారు.