గాజాలో ఆక్సిజన్ అందక నలుగురు చిన్నారులు మృతి

ఇజ్రాయెల్ మరియు హమాస్ మధ్య జరుగుతున్న యుద్ధం తీవ్ర విషాదకరం. ఇటీవల ఆక్సిజన్ సరఫరా నిలిచిపోవడంతో ఖాన్ యూనిస్‌లోని నాజర్ ఆసుపత్రిలోని ఐసియులో చికిత్స పొందుతున్న నలుగురు పిల్లలు మరణించారు. ఈ విషయాన్ని హమాస్ నేతృత్వంలోని గాజా మంత్రిత్వ శాఖ శుక్రవారం వెల్లడించింది. ఇజ్రాయెల్ బలగాలు ఆస్పత్రిని సీజ్ చేయడంతో ఈ పరిస్థితి తలెత్తిందని అంటున్నారు. ఆస్పత్రిలో జనరేటర్లు నిలిచిపోయాయని, విద్యుత్ సరఫరా కూడా నిలిచిపోయిందని చెబుతున్నారు.