దేవరకద్ర: బొలెరో వాహనం బోల్తా... కూలీలకు గాయాలు

దేవరకద్ర నియోజకవర్గం కొత్తకోట మండలం కనిపెట్ట గ్రామ శివారులో జాతీయ రహదారి-44పై మంగళవారం రోడ్డు ప్రమాదం చోటు చేసుకుంది. మహబూబ్ నగర్ వైపు కూలీలతో వెళ్తున్న బొలెరో వాహనం టైర్ పంచర్ కావడంతో బోల్తా పడి పలువురికి గాయాలయ్యాయి. బొలెరో వాహనం రోడ్డుకు అడ్డంగా పడడంతో ట్రాఫిక్ కు అంతరాయం ఏర్పడింది. గాయపడిన వారిని స్థానికులు 108 లో ఆసుపత్రికి తరలించారు. ప్రమాదానికి సంబంధించిన పూర్తి వివరాలు తెలియాల్సి ఉంది.