గోవా ముఖ్యమంత్రి వ్యక్తిగత ఈమెయిల్‌ హ్యాక్‌

గోవా సీఎం ప్రమోద్‌ సావంత్‌ వ్యక్తిగత ఈమెయిల్‌ హ్యాక్‌ అయినట్లు శనివారం అధికారులు వెల్లడించారు. గోవా సైబర్‌ క్రైమ్‌ పోలీసులు వెంటనే రంగంలోకి దిగి దానిని నాలుగైదు గంటల్లోనే పునరుద్ధరించినట్లు అధికారులు పేర్కొన్నారు. ఈ కేసులో హ్యాకర్‌ను గుర్తించే దిశగా పోలీసుల ముమ్మర దర్యాప్తు కొనసాగుతోందని తెలిపారు. నవంబర్ 19 రాత్రి ఈ హ్యాకింగ్ జరిగిందని.. దీని వల్ల ఎటువంటి నష్టం వాటిల్లలేదని అధికారులు తెలిపారు.