కార్వాన్: సాలర్ జంగ్ కాలనీలో సీవరేజీ లైన్ సమస్యలు
టోలీచౌకిలోని సాలర్ జంగ్ కాలనీలో గత కొన్ని రోజులుగా సీవరేజి లైన్ సమస్యలు వేధిస్తున్నాయి. సీవరేజి ఓవర్ ఫ్లో తో రోడ్డుపై మురుగు నీరు చేరి దుర్వాసన వస్తోందని స్థానికులు చెబుతున్నారు. వారం రోజులుగా సమస్యలు ఇలాగే ఉన్న సిబ్బంది పట్టించుకోవడం లేదని వాపోయారు. అధికారులు స్పందించి కింది స్థాయి సిబ్బందికి ఆదేశాలు ఇవ్వాలని గురువారం కోరుతున్నారు. రోడ్డుపై మురుగు నీరు చేరడంతో దోమల బెడద కూడా ఎక్కువైందని అంటున్నారు.
