హైదరాబాద్ లో ఎటు చూసిన ట్రాపిక్ జామే

హైదరాబాద్ లో కుండపోత వర్షం ధాటికి వరద పోటెత్తింది. దీంతో హైటెక్ సిటీ, మాదాపూర్, గచ్చిబౌలి, కొండాపూర్, అత్తాపూర్, మెహిదిపట్నం, అమీర్ పేట్, తిరుమలగిరి, బేగంపేట్, ప్యారడైజ్ సహా పలు ప్రాంతాల్లో భారీగా ట్రాపిక్ జామ్ అయ్యింది. ఆఫీసులకు వెళ్లే సమయంలో భారీగా ట్రాపిక్ జామ్ కావడంతో ఉద్యోగులు, వాహనదారులు అసహనం వ్యక్తం చేస్తున్నారు. పలు చోట్ల రోడ్డుపై నడుము లోతు వరద నీరు నిలిచిపోవడంతో ద్విచక్ర వాహనాలు మొరాయించాయి.