గెలుపు దిశగా అడుగులు వేస్తున్న పద్మారావు
పద్మారావు పేరు తెలియని వారుండరు.ఈయన నివాసం టకారబస్తీ, సనత్ నగర్ నియోజకవర్గం పరిధిలో ఉంది.ప్రస్తుతం సికింద్రాబాద్ అసెంబ్లీ భారాస సిట్టింగ్ ఎమ్మెల్యేగా కొనసాగుతున్నారు. సికింద్రాబాద్ లోక్ సభ స్థానం నుంచి ఎంపీగా భారాస తరపున బరిలో ఉన్నారు. జూబ్లీహిల్స్ అసెంబ్లీ పరిధిలో ఎమ్మెల్యే గోపీనాథ్ ఆధ్వర్యంలో నిర్వహిస్తున్న సమావేశాలు,ప్రచారంలో పద్మారావు పాల్గొంటున్నారు. ఇప్పటికే మాజీ మంత్రి కేటీఆర్ మద్దతుగా రెండుసార్లు రోడ్ షో నిర్వహించి,ప్రచారంలో పాల్గొన్నారు. నియోజకవర్గం బూత్ స్థాయి కార్యకర్తల సమావేశంలోనూ కేటీఆర్, పద్మారావు పాల్గొన్నారు.మాజీ ఎమ్మెల్యే విష్ణువర్ధన్రెడ్డి సైతం భారాసలో ఉండటం, జూబ్లీహిల్స్ నియోజకవర్గంలో విష్ణువర్ధన్రెడ్డికి అనుబంధం ఉండటంతో ఎక్కువ ఓట్లు వస్తాయని భావిస్తున్నారు.
