సిద్ధాపూర్ మాజీ సర్పంచ్ ఎర్రోళ్ల నరసమ్మ మృతి

షాద్‌నగర్ నియోజకవర్గం కొత్తూరు మండలం సిద్ధాపూర్ గ్రామ మాజీ సర్పంచ్ ఎర్రోళ్ల నరసమ్మ(80) ఆదివారం మృతి చెందారు. ఆమె గత కొంతకాలంగా అనారోగ్యంతో బాధపడుతున్నారు. 2014- 19 మధ్య కాలంలో గ్రామ సర్పంచిగా సేవలందించారు. ఆమె హయాంలో సినీ హీరో మహేష్ బాబు గ్రామాన్ని దత్తత తీసుకొని పలు అభివృద్ధి కార్యక్రమాలను చేపట్టారు. ఆమె మృతి పట్ల కొత్తూరు మాజీ జెడ్పిటిసి ఎమ్మె శ్రీలత సత్యనారాయణ సంతాపం వ్యక్తం చేశారు.