ప్రజలపై విద్యుత్ ఛార్జీల భారం వేస్తున్న కూటమి ప్రభుత్వం

విద్యుత్‌ బిల్లుల భారం భరించలేకే ప్రజలు గత ప్రభుత్వాన్ని ఇంటికి పంపారు. తాము అధికారంలోకి వస్తే విద్యుత్‌ భారాలు మోపబోమని టిడిపి కూటమి ప్రభుత్వం తన ఎన్నికల మ్యానిఫెస్టోలో పొందుపరిచింది. అందుకు భిన్నంగా ఇప్పుడు ప్రజలపై భారాలు మోపేందుకు సిద్ధమైంది. ఇప్పటికే పెరిగిన విద్యుత్‌ బిల్లులను చెల్లించలేక వినియోగదారులు లబోదిబోమంటున్నారు. ఇప్పుడు మరో భారం మోపితే వినియోగదారుల పరిస్థితి దారుణంగా ఉంటుంది.