సెంట్రల్ లైటింగ్ స్తంభానికి చెలరేగిన మంటలు

మణుగూరు పట్టణంలోని వేణు రెస్టారెంట్ ఎదురుగా ఉన్న సెంటర్ లైటింగ్ స్తంభానికి మంగళవారం షార్ట్ సర్క్యూట్ జరిగి మంటలు చెలరేగాయి. మంటలను చూసిన స్థానికులు, వాహనదారులు భయభ్రాంతులకు గురయ్యారు. వెంటనే మున్సిపాలిటీ అధికారులకు స్థానికులు సమాచారం అందించారు. విద్యుత్ అధికారులకు మున్సిపల్ సిబ్బంది ఫోన్ ద్వారా సమాచారం ఇవ్వడంతో విద్యుత్ సరఫరాను నిలిపివేసి మంటలను ఆర్పి వేశారు.