మహబూబ్ నగర్: నగర సంకీర్తనతో హిందూ చైతన్య రథయాత్ర

మహబూబ్ నగర్ జిల్లా పాలమూరు విభాగ్ ధర్మజాగరణ వారి ఆధ్వర్యంలో మద్దూరు మండలంలో ప్రారంభించిన హిందూ చైతన్య రథయాత్ర శనివారం నారాయణపేట జిల్లా కేంద్రానికి చేరుకుంది. స్థానిక హరే రామ హరే కృష్ణ సంస్థ సభ్యులు, విహెచ్పి , బజరంగ్ దళ్ నాయకులు చైతన్య రథయాత్రకు స్వాగతం పలికారు. పల్ల ఆంజనేయస్వామి ఆలయం నుంచి నగర సంకీర్తనతో పట్టణంలోని పురవీధుల గుండా చైతన్య రథయాత్రను నిర్వహించారు. హిందూ ధర్మ ఆచారాలను వివరిస్తూ యాత్ర కొనసాగింది.