ఆర్థిక సహాయం అందించిన ఎమ్మెల్యే

నకిరేకల్ మున్సిపాలిటీ పరిధిలోని పలు కాలనీలో శనివారం నకిరేకల్ ఎమ్మెల్యే వేముల వీరేశం పర్యటించారు. ఈ సందర్భంగా 8వ వార్డులో ప్రతిష్టాపన చేసిన గణపతి విగ్రహాన్ని దర్శించుకుని ప్రత్యేక పూజలు నిర్వహించారు. అనంతరం 17వ వార్డుకి చెందిన అంతటి బిక్షమయ్య అనారోగ్యంతో మరణించగా వారి మృతదేహానికి పూలమాల వేసి నివాళులర్పించి కుటుంబ సభ్యులను ఓదార్చి, 10 వేల రూపాయల ఆర్థిక సహాయం అందజేశారు.