నితీశ్‌ రెడ్డి ఆ విషయం గుర్తుంచుకోవాలి: సునీల్ గావస్కర్

ఆస్ట్రేలియాతో జరుగుతున్న నాలుగో టెస్టులో సెంచరీతో అదరగొట్టిన నితీశ్ రెడ్డి (105*)పై భారత క్రికెట్ దిగ్గజం సునీల్ గావస్కర్ ప్రశంసలు కురిపించాడు. నితీశ్‌ ఈ స్థాయికి చేరుకోవడానికి తన తండ్రి, కుటుంబసభ్యులు చేసిన త్యాగాలను గుర్తుంచుకోవాలన్నారు. "నితీశ్‌కిది టెస్టుల్లో తొలి సెంచరీ. భవిష్యత్‌లో అతను వేలాది పరుగులు సాధించాలని కోరుకుంటున్నా. పరిస్థితులకు అనుగుణంగా ఆడగలనని చూపిస్తున్నాడు. షాట్ సెలక్షన్‌ కూడా బాగుంది’ అని గావస్కర్ పేర్కొన్నాడు.