జయా బచ్చన్‌కు మద్దతుగా విపక్షాల వాకౌట్ (Video)

పార్లమెంట్‌ వర్షాకాల సమావేశాలు వాడీవేడిగా కొనసాగుతున్నాయి. అయితే, మరోసారి ‘జయ అమితాబ్ బచ్చన్’ పేరు రాజ్యసభలో ప్రస్తావనకు వచ్చింది. చైర్మన్ జగదీప్ ధన్‌ఖడ్ సభలో ‘జయా అమితాబ్ బచ్చన్’ అని సంబోధించారు. దీనిపై ఆమె తీవ్ర అభ్యంతరం వ్యక్తం చేశారు. ఈ అంశంపై చైర్మన్ తనకు క్షమాపణలు చెప్పాలంటూ డిమాండ్ చేశారు. ఈ మేరకు చైర్మన్ తీరుకు నిరసనగా సోనియా గాంధీ సహా విపక్ష కూటమి ఎంపీలు సభ నుంచి వాకౌట్ చేశారు.